गोर्खा जनमुक्ति मोर्चा अध्यक्ष श्रीमान बिमल गुरुङ तथा हाईवे संयोजक श्रीमान अर्जुन (अशोक) छेत्रीले कुमाई ९ नम्बर वार्डको फ्याक्ट्री लाइन निवासी उमेश छेत्रीको नयाँ घर पूर्ण रूपमा निर्माण गरि हस्तान्तरण गरेका छन्।
विगत केही समयदेखि असहज परिस्थितिमा जीवन यापन गर्दै आएका उमेश छेत्रीलाई सुरक्षित र व्यवस्थित वासस्थानको आवश्यकता थियो। यस परिस्थितिमा मोर्चा नेतृत्वद्वारा देखाइएको संवेदनशीलता र सक्रियताले स्थानीयस्तरमा ठूलो राहत पुर्याएको छ।
घर निर्माण कार्यमा स्थानीय युवाहरू, समाजसेवी तथा कार्यकर्ताहरूको समेत उल्लेखनीय सहभागिता रहेको थियो। सामूहिक प्रयास, पारस्परिक सहयोग र नेतृत्वद्वारा देखाइएको सकारात्मक दृष्टिकोणले फेरि एकपटक सहकार्यको शक्ति देखाएको छ।
यस सफलतापछि स्थानीय बासिन्दाहरूले मोर्चाको जनजीवनप्रतिको संवेदनशीलता र व्यवहारिक सहायताप्रति आभार प्रकट गरेका छन्।
